Am Fritignamitag so gege die 2 simmer in Vancouver abgfahre richtig Whistler. De Trip nach Whistler isch eifach genial gsi, wunderschöni Berge, Landschafte, Wasserfäll, eifach genial. Die ganz Fahrt nach Whistler het 2.5 - 3 Stunde duret, will mer immer nachli aghalte und d'Landschaft gnosse hend. So gege die viertel ab 5i simer den i üserem Hostel acho und hend dete übernachtet für sage und schreibe !!24 Dollar!!, aso eigentlich Gratis. Nachdem simmer nochli uf Whistler füre und hend das ganze aglueget und so einiges wieder erkennt (Has ja schomal im Fernseh gse :D). S'einzige was bi mir gfehlt het isch de Schnee gsi im "Städli" selber.Nacheme super feine z'nacht imene Steakhouse bini den am Samschtig gege die 7.30 verwachet und han es paar Föteli vo dere wunderschöne Gegend gmacht... Währendem Uschecke seit üs de "Us-Checker" mir söllet den pressiere, denn am Namitag seg es risigs Umwetter im Amarsch (jaja, lueg mal use, ich gse kei Wolke). Nacheme chline z'morgä in Whistler selber simer den uf de Blackcomb Mountain (Whistler Mountain isch leider gschlosse gsi). Hend dete d'Usicht gnosse und sind nach es paar Stunde wider abe. Uf de Heifahrt hemer den na dörfe en chline Blick is ehemalige Atlethe Dorf werfe, hend aber nöd gross ine chöne.. Schad gsi das mer nöd alles hend dörfe go laauge.
Öbe i de helfti vom Heiweg het den üse Brasilianisch Kompan gmerkt ga, dass er sini Kreditcharte in Whistler vergesse het.....Ok den fahremer hald wieder retuur. Es isch ihm nienet recht gsi und er het sich 100x entschuldiget, doch den isch es passiert. Nebetem Highway isch en Bär gsi.. Am nächschte U-Turn hemer den kehrt ga und sind retur blochet (aso wieder Richtig Vancouver, ohni Kreditcharte) und es isch datsächlich en Bär gsi... S'erschte mal i mim Lebe wo ich en Bär in de Natur gse han.... BOAH!!
Nach dem Ereignis simer den am Brasilianer sini Kreditcharte go hole und denn wieder ab nach Vancouver. Am viertel vor 10ni simer den acho und nacheme chline z'Nacht in Gastown (dete wo d'Steamclock isch) bini den diheime acho.... Super Trip gsi, Phuu!!
Mal luege was nächscht wuche so z'verzelle git, am Wucheend gangi den uf Seattle echli go pöschtele. Machets guet und bis bald. Tschauet
hey .... gäll so en Bär in natura git schochli herzflatter :-)Da war was los ..
AntwortenLöschennatur isch halt in kanada scho super ! Grüessli Ich s`gotti
hey isch d'foti vom cola-auto für mich gsi? :-)
AntwortenLöschenweisch, macht mi ja ja scho echli muff. ich ligge stundelang, tag und nacht, uf dä luur; verbrige weiss nöd wievill täg id dä kanadische und amerikanische wildniss; bsueche alli nu erdänkliche nationalpärk und gseh kei einzige bär.....ischer ächt gsi oder nu en usgstopfte?
liebi grüess
SPARJ