Montag, 21. Juni 2010

Verbiii.....


Hoi mitenand
So ich denke das isch min letschte Bitrag vo mim Sprachufenthalt vo Vancouver… De letschti Bitrag ghört am Niagara Fall und a Toronto.
Alles het agfange vom Dunschtig uf de Fritig. Nachemene turbulente und meh oder weniger schlaflose Flug bini den so am 6.00 in Toronto acho. Nach dem han ich den min buechte Bus gna und bin a die „richtig" Busstaion gfahre um dete es Billet z’chaufe für d’Niagara Fäll. S’luschtige am ganze isch das s’Billet zum Niagara Fall günstiger gsi isch als de Bus vom Flughafe (isch s’günschtige wo chasch bueche). Hihi
Eigentlich die ganzi Fahrt richtig Niagara hani gschlafe, bin eifach z’fuul gsi. Hihi
Denn so gege die 11i bini den suuper in Niagara acho und de Busfahrer het mi den gad na i de nöchi vo mim Hotel usegla… Den hani dete rasch Ichecked und han mi aber den ohni i mis rümli zluege uf de Weg ad Niagara Fäll gmacht…
Zerscht bini det echli umeglofe und han es paar Föteli und Videos gmacht. Aber eis chani eu sege, dass isch abartig!! De Wasserfall isch unglaublich! Gigantisch! Ja ihr gsend ich chume gar nöme usem stuune use =). So nach guet 2 Stunde han ich mich den echli nöcher a das ganze Spektakel hane taschtet und bin miteme Boot sozege in Niagara Fall in gfahre.. Aber mini Kamera het das nöd so gern ga (ha si den müsse 1 Stund a d’sunnä lege) und ez funktioniert si so wieder halbwegs =).  Aber ebe das woni den au na mit mine Auge gse han das isch eifach BOAHHH gsi!!
Denn so gege de obig hani mich uf de Skytour Tower ufebegä und ha vo dete de Sunneuntergang, belüchtig vom Wasserfall und s’Füürwerch aglueget. Das isch mer so es typisch ami fürwerch gsi (isch vo de ami siite us gsi).. All hend heure de Plausch ga und vor luuter ufregig fascht en Brunz id hose gmacht aber das isch en gag gsi wo die det abgloh hend, en besseri Tischbombe… Hihi
Den bini so gege die 12 retuur i mis Zimmer gange und han mini Zimmergspänli kenneglernt , en Walieser und en Engländer. Denn hemer echli über Gott und die Welt gredet. Denn hend sie mir erchlärt wie schön das Vancouver und wie gern das Sie würdet det hene ga.. Den han ich dene natürli alles verzellt wasi über Vancouver gwüsst han und han ihne na es paar föteli zeiget…
Am morge hani den na d’verschlafe , bin aber am Schluss doch na suuper i de Ziit gsi und hans uf en guete Bus gschaft. Den in Toronto hani alles echli aglueget und bin ebefalls uf en Ussichtsturm. Leider bini echli z’früeh gsi, woni dobe gsi bin hets gregnet und den woni wieder dunde gsi bi hets uf tue =): Naja shit happens.. Hihi
Aber im grosse und ganze isch das de chrönendi Abschluss gsi vonere perfekte Reis!!
Wenn ich den de Bitrag ufelade hock ich scho wieder diheime und muss den scho bald in Zivilschutz =). Danke viil mal das er ab und zue mal ineglueget, gmeldet und debi gsi sind.
Mir gset sich sicher bald
Dario


 

Sonntag, 13. Juni 2010

Grouse Mountain

Hoi mitenand

Ez chumi a de Rückreis au immer nöcher... Aber bevor dasi den heichume mussi na es paar Sache erledige. Und ei Sach vo dene paarne isch de Grouse Mountain gsi..

Am Samschtigmorge simer so gege die 11 ufem Parkplatz gstande und hend üs den entschiede zum Ufelaufe. Mir sind es paar vodene "glückliche" gsi wo am diesjährige Eröffnigstag vom Grouse Grind hend chöne ufewandere.. Ich han natürli mini Hikingschueh montiert (Skaterschueh woni immer ahan) und denn simer mitenand ufegloffe.. Am afang isch es na luschtig gsi und mir hend echli spässli gmacht mit anderne lüüt, doch womer den nach guet 23min.. S'Schild gse hen "1/4 Mark" isch es den fertig gsi mit pläuschle... Hihi
Doch schlussendlich hemers den gschafft ga under einere Stund z'blibe. Mir hend 58 Minute und es paar Sekunde brucht ga um 853 Höhemeter und en Strecki vo 2.9 km (mitere durchschnitts stigig vo 30%) z'überwinde. Es isch zwar astrengend gsi aber den gege den Schluss den doch schön zwüsse das mer öpis gmacht het und den na 40.- gspart het =).

Schlussendlich het sich den die Wanderig und das lange warte doch na glohnt ga. Es isch wunderschöns Wetter gsi. Am Afang echli Wulchig doch mir hend chöne zueluege wie d'wulche innerhalb vo 5 minute verschwunde sind. Den hemer de wunderbari Usblick na chöne in aller rueh gnüsse!! Nach öbe 45min Pause uf de terrasse hemer üs den uf de Weg gmacht um zerscht en Vogel-Show go luege. Dete hemer au en Adler gse (a die andere näme vo de Vögel cha mi nöme errinere, Hihi) und nach dere Vogelshow hemer den au na en friie Adler am Himel umekreise gse.. Nach de Vogel-Show simer den schnell zum Bäregheg, will es isch ebe dete gad Füetterig gsi. Dete hani den zum erschtemal i mim Läbe Grysli Bäre gse.. Leck du mir sind das Muskelpaket.. Uiuiui...

Nach de Bärefüetterig simer en Lumberjack-Show (Hölzfäller) go luege. Es isch eigentlich nüt speziells gsi aber mir hets den hald mal müsse gse wemer scho dobe gsi isch...
Nach dere Show hemer entschiede das mer na en chline Snack gönd go neh und wies de Zuefall het wele, hemer den au na en frie Bär gse (Schwarzbär). Denn de Marcel alias der Unermüdliche isch den sofort de Berg ufegsprunge und het na es paar wunderschöni föteli gmacht.. Ich hans den si gla und bin dundeblibe (echli Respekt vo dem Bär und wieni müäd gsi bi aber ich denke meh wegem respekt). Hihi


So gege die 4.30 hemer üs den uf de abeweg gmacht (hend den gondle gno ga). Die hend aber na es guet system. Wenn mer ufeund abegat mit de gondle zahlt mer 40.-, wemer ufelauft (ohni offizielli Ziitmessig, wie mir) zahlt mer 5.- zum abega und wemer ufelauft (mit offzieli Ziitmässig) isch es gratis...
Am obig hemer den na s'dritte bi mir diheime gmüetlich gmacht und es paar Bierli drunke...
Muss sege, es het sich glohnt so lang zwarte.. Isch en wunderschöne tag gsi! Wauu


Also ich weiss hald nöd weni s'nächschte mal schribe, han ez am Zischtig und am Mittwuch mini Prüffige.. Wünsch eu na en schöni letschti Wuche ohni mich :p. Denn münder mi den wieder erträge. Hihi
Machets guet

Freitag, 11. Juni 2010

English Bay, Vancouver by Night, Stanley Park and Abschlussfescht

Hallo mitenand

Das isch wieder emal en Wuche gsi.. Ich chume ja ez langsam in Enspurt und versueche alles na anzhögle was mer na sött mache, wege dem gits ez gad echli en huufe zbrichte...

Aso fangemer vo vorne a.
Montag:
Am Mäntig simer mitenand ad English Bay gange um go luege wied d'sunnä dete abegat. Die ganzi Bay isch na recht schön und es isch mega kuul wie viel Lüt das dete umehocket und s'gliche spektakel gnüsset. So gege die nüni simmer den ufeme Baumstamm in Sand ghöcklet und hend mitere Livemusig (Strassemusig) im Hintergrund de Sunneuntergang beobachtet.


Nach dem den d'Sunnä untergange isch und mir entli üses langersehnte glace becho hend, hemer üs uf de Weg gmacht richtig Lions gate Bridge und hend vo dete es paar Bilder vo de Downtown bi Nacht gmacht... Es het sich als schwerer als denkt usegstellt... Aber so eis bis zwei föteli sind den schono guet usecho...


Zischtig:
Am Zischtig hämer s'nächschte abendtür in agriff gno und das isch gsi eimal um de stanley park mit de blades... Nach de schuel simer mit em Bus zum Stanley Park gfahre und hend i de nöchi Blades und Velos gmietet.. Den hemer üs uf de Weg gmacht zum rundume fahre.... Nach guet 2 Stunde simmer den wieder acho (mir hend au na es paar umwegli und päuseli gmacht). Aber ich denke wenn mer das durezoge het brucht mer so 1 Stund zum gmüetlich rund um de Stanley Park z'fahre.


Dunschtig:
Am Dunschtig isch es den so wiit gsi, es isch üse offiziel letschti Tag schuel gsi womer na produktiv gschaffet hend. Nach de schuel simer mit de ganze klass go 5 Pin Kegel go spile, imene late Gebäude wo früehner mal recht bekannt gsi isch für das Spiel. Nach em Kegle hemer üs den is erschte Pub verschobe um eis go neh und den gege die 7ni hemer üs nomal verschobe um go esse zga... Denn so gege die 1 hemer au das Pub wieder verlah und hend üs uf de heiweg gmacht...


Morn aso am Samschtig gömer na uf de Grouse Mountain, ich hoffe mir werdet schöni Ussicht ha.. Ich wünsche eu na es schös Weekend und bis bald.


Dario